З гісторыі бібліятэкі

Сёння Бераставіцкая раённая бібліятэка гэта: 

• сучасны сацыяльна-інфармацыйны цэнтр рэгіёна;
• цэнтр распаўсюджвання інфармацыі па гісторыі айчыннай культуры рэгіёна;
• публічны цэнтр прававой інфармацыі;
• мультымедыйны цэнтр;
• цэнтральнае кнігасховішча краязнаўчых дакументаў;
• метадычны цэнтр для сельскіх бібліятэк раёна.

    Бераставіцкая раённая бібліятэка  з’яўляецца агульнадаступнай бібліятэкай для ўсіх катэгорый карыстальнікаў мястэчка Вялікая Бераставіца і раёна ў цэлым, якая прадстаўляе бясплатны доступ да інфармацыйных рэсурсаў.
    Асноўная яе задача – стварэнне спрыяльных умоў для задавальнення інфармацыйных і культурных запытаў усіх катэгорый чытачоў незалежна ад формаў выканання запытаў. Да паслуг чытачоў адкрыты: абанемент, чытальная зала, публічны цэнтр прававой інфармацыі, мультымедыйны цэнтр, доступ да сеткі Інтэрнэт і электроннай пошты.
    Інфармацыйныя рэсурсы ўключаюць універсальныя па ўтрыманні фонды, якія налічваюць больш 30 тысяч адзінак захоўвання. Адной з галоўных функцый бібліятэкі з’яўляецца фарміраванне і захоўванне мясцовых і краязнаўчых выданняў.
    У бібліятэцы ствараюцца ўласныя інфармацыйныя рэсурсы – электронны каталог, які  налічвае звыш 100 тысяч запісаў.
   Усе гады свайго існавання бібліятэка выконвае функцыю асветніцтва, захавання культурнай спадчыны, аказвае дапамогу чытачам у вывучэнні гісторыі роднага краю.
Пры бібліятэцы з 1998 года паспяхова працуе жаночы клуб «Паклічу сяброў», які аб’ядноўвае адзінокіх людзей пенсійнага ўзросту.
    Пачынаючы з 2000 года  выдаецца «Краязнаўчы каляндар», у якім у храналагічным парадку прадстаўлены матэрыял пра юбілеі знакамітых землякоў, пра юбілеі прадпрыемстваў, навучальных устаноў  і г.д.
    З 2001 года з мэтай павышэння прававой культуры насельніцтва створаны публічны цэнтр прававой інфармацыі.
    У 2004 годзе  выдадзены краязнаўчыя бібліяграфічныя паказальнікі «Знакамітыя людзі Бераставіччыны XYI – XIX ст.ст.», «Зборнік народных песень».
    З 2004 года ажыццяўляецца выдавецкі праект па вывучэнні і збору дакументаў па гісторыі роднага краю – чатыры тамы кнігі «Летапісная хроніка Бераставіччыны».
   У 2006 годзе з мэтай забеспячэння карыстальнікаў неабходнай інфармацыяй з выкарыстаннем магчымасцяў сучасных тэхналогій створаны мультымедыйны цэнтр.
    У 2008 годзе створана спецыялізаванае месца для арганізацыі абслугоўвання інвалідаў па зроку, дзе прадстаўлена магчымасць людзям, якім неабходна спецыялізаваная падтрымка,  доступ да інфармацыйных рэсурсаў бібліятэкі.
    З 2009 года рэалізуецца выдавецкі праект «Знакамітасці Бераставіцы і Бераставіччыны» — серыя  кніг пра знакамітых бераставічан, якія пакінулі адметны след у жыцці роднага краю.
    Адной з галоўных задач, якія ставіць перад сабой раённая бібліятэка ў сваёй  штодзённай працы – фарміраванне і распаўсюджванне мясцовай і агульнадзяржаўнай інфармацыі, прадстаўленне бібліятэчных паслуг чытачам у розных формах і відах.
    У сценах бібліятэкі рэгулярна праводзяцца мультымедыйныя прэзентацыі, кніжныя выставы, літаратурна-гістарычныя гадзіны, паэтычныя вечары, творчыя вечары з удзелам творчых людзей роднага краю і іншыя мерапрыемствы.
Вывучаючы гісторыю роднага краю было адкрыта шмат імёнаў, якія ў той ці іншай ступені мелі дачыненне да гісторыі і культуры Бераставіччыны, так і паўстала задума аформіць партрэтную «Галерэю нашых знакамітых землякоў», якую за спонсарскія сродкі афармлялі мясцовыя мастакі Мікалай Жлабовіч і Аляксандр Ваўчок. На цяперашні час партрэтная галерэя змяшчае  16  партрэтаў знакамітых землякоў (частка партрэтаў, а іх было 23, перададзена ў  ДУК  «Музей Вавёркі у Вялікай Бераставіцы»).
    У 2012 годзе ў рённай  бібліятэцы створаны новы праект «Фотаімгненні для нашчадкаў», на якім змешчаны фотаздымкі Бераставіччыны XX стагоддзя.
1 верасня 2015 года атрымала статус юрыдычнай асобы — дзяржаўная ўстанова культуры «Бераставіцкая раённая бібліятэка імя В.М.Кавалеўскага» ( адпаведна рашэнню №151 Бераставіцкага раённага выканаўчага камітэта ад 27 сакавіка 2015 г.).

З гісторыі адкрыцця бібліятэк на Бераставіччыне
ў храналагічным парадку

(1946 — 1968гг.)

09.05.1946г. У маёнтку Рудава адбылося ўрачыстае адкрыццё клуба. Памяшканне якога адрамантавана і абсталявана камсамольцамі і мясцовай моладдзю Хамантоўскага сельсавета.

04.06.1946г. прынята рашэнне адкрыць у бліжайшы час хаты – чытальні ў Макараўскім, Сямёнаўскім і Глебавіцкім сельсаветах. Арганізаваць пры іх гурткі мастацкай самадзейнасці.

1947 год

14.03.1947г. Бераставіцкі аддзел культпрасветработы даводзіць да ведама ўстаноў, прадпрыемстваў, калгасаў, а таксама прыватных асоб Бераставіцкага раёна, што, згодна пастановы Савета міністваў БССР і ЦК КП(б) Беларусі, праводзіцца абавязковая рэгістрацыя дзеючых і нядзеючых бібліятэк. Тэрмін рэгістрацыі да 01.04. 1947 года. Не зарэгістраваныя бібліятэкі будуць падлягаць канфіскацыі.

01.05.1947 г. Раённая газета паведаміла: адноўлена і пабудавана 255 жылых дамоў, 48 школ. У  школах вучацца 5121 вучань. У раёне 2 бальніцы, 3 амбулаторыі, 6 фельдшарска – акушэрскіх пунктаў, санэпідэмстанцыя. Уступіла ў строй 9 млыноў, торфаарцель і 2 масласырзаводы. Працуюць 2 кінаўстаноўкі, 8 хат – чытальняў і бібліятэка.

30.11.1947г. Райком партыі выставіў задачу перад сельскімі культпрасветработнікамі і ў час выбарчай кампаніі. Адзначана работа Хамантоўскай хаты – чытальні, Данілкаўскай, Сямёнаўскай і Эйсмантаўскай. Вопыт іх работы прапануецца пераняць астатнім хатам – чытальням.

28.12.1947г. Галынкаўская хата – чытальня прыступіла да падрыхтоўкі канцэрта мастацкай самадзейнасці да выбараў у мясцовыя саветы дэпутатаў працоўных, якмя адбудуцца 11 студзеня 1948 года. Рыхтуюцца да паказу п’есы, танцы, будуць выконвацца песні, дэкламавацца вершы.

1948 год

18.04.1948г. Камсамольцы Алекшыцкай камсамольскай арганізацыі рашылі пабудаваць у сваёй вёсцы клуб метадам народнай будоўлі. Цяпер ідуць работы па закладцы фундамента. Райвыканкамам для гэтай будоўлі выдзелена неабходная колькасць лесаматэрыялаў. Свята 1 – е  Мая жыхары малой Бераставіцы будуць сустракаць у новым клубе. Пры клубе будзе працаваць бібліятэка і чытальная зала.

09.05.1948г. Раённая газета паведаміла: — за тры гады працы ў мірных умовах працаўнікі раёна дабіліся значных поспехаў у культурным развіцці і матэрыяльным дабрабыце. Так колькасць хатаў – чытальняў з 8 у 1945 годзе павялічылася да 12 у 1948 годзе. Пабудаваны кінатэатр у гарпасёлку…

11.07.1948г.     Раённы аддзел культасветработы правёў трохдзённы семінар загадчыкаў клубаў, бібліятэк і хатаў – чытальняў.

15.07.1948 . У памяшканні бераставіцкага кінатэатра адбыўся вечар, прысвечаны 44-ай гадавіне з дня смерці А.П.Чэхава. Пасля даклада былі паказаны аднаактавыя п’есы Чэхава “Мядзведзь” і “Спатканне хоць і адбылося, але…”,  пастаўленыя сіламі драматычнага калектыву раённага Дома культуры і работнікамі раённай бібліятэкі.

1950 год

15.01.1950г.  Да Ленінскіх дзён культпрасветработнікі раёна: прводзяць гутаркі, чытаюць дэкламаты на тэмы “26 год без Леніна, пад кіраўніцтвам Сталіна”, “Ленін стваральнік першай у свеце сацыялістычнай дзяржавы”. У чытальным зале раённай бібліятэкі, у М.Бераставіцкім СДК, у Глебавіцкай хаце – чытальні аформлены фотаплакаты і фотамантажы, кніжныя выставы, прысвечаныя 26-й гадавіне з дня смерці У.І.Леніна.

15.05.1950г. Культпрасветустановы раёна пачынаючы з канца1949 года, у 30 – ці калгасах раёна адкрылі “чырвоныя куткі”. У апошні час адкрыта 3 “чырвоныя куткі” Загадчыца бібліятэкі калгаса імя Калініна (в.Бераставічаны) Любоў Мешчаня арганізавала “чырвоны куток” у калгасе “Бальшавік (в.Жабры) таго ж сельскага савета. Загадчыца Данілкаўскай хаты – чытальні Софія Горлава адкрыла “чырвоныя куткі ” у калгасе імя Горкага (в.Даўбянкі) і імя Вышынскага (в.Каленікі). “чырвоныя куткі” маюць літаратуру, газеты. У іх праводзяцца гучныя чыткі часопісаў, газет, гутаркі для калгаснікаў.

1951 год

20.07.1951г. У раённым цэнтры адчынілася дзіцячая бібліятэка. Яе фонд налічвае 1800 кніг мастацкай літаратуры, навейшых выданняў. Новая сельская бібліятэка з’явілася ў Алекшыцкім сельсавеце.

28.10.1951г. Раённая бібліятэка правяла чытацкую канферэнцыю па аповесці Ю.Лапцева “Зара”. У ёй прынялі ўдзел 40 чалавек.

1952 год

10.02.1952г. Узорнай прызнана Канюхоўская хата – чытальня ў Глебавіцкім сельсавеце. Гэта сапраўдны цэнтр культурна – масавай работы. Тут утульна, заўсёды ёсць свежая перыёдыка, ёсць 1700 кніг мастацкай. Сельскагаспадарчай і палітычнай літаратуры. Загадвае гэтай ўзорнай установай Міхаіл Сіцько.

02.03.1952г. Адбылася справаздача раённай бібліятэкі і раённага Дома культуры перад рабочымі. Калгаснікамі, служачымі і інтэлігенцыяй райцэнтра. Са справаздачамі выступілі загадчыца раённай бібліятэкі т.Худалеева і дырэктар РДК т.Навасадаў. Выступіўшыя ў спрэчках (8 чалавек) адзначылі сур’ёзныя недахопы ў рабоце культпрасветустаноў. Сход прыняў рашэнні, накіраваныя на паляпшэнне іх работы.

30.03.1952г. Адбыўся чарговы семінар культасветработнікаў раёна. Для іх был прачытаны лекцыі. Праведзены інструктыўныя заняткі па паляпшэнню работы агітацыйна – мастацкіх брыгад. Загадчык раённай бібліятэкі т. Худалеева расказала, як павінны культпрасветустановы прапагандаваць кнігу.

07.11.1952г. Раённая газета апублікавала матэрыялы, якія адлюстроўваюць поспехі раёна ў сацыяльнай сферы:

У галіне народнай асветы: працуе 4 сярэднія школы. 15 сямігодак, 30 пачатковых школ, вячэрняя школа рабочай моладзі, 10 вячэрніх школ сельскай моладзі.

Ахова здароўя: функцыянуюць раённая бальніца і амбулаторыя, эпідэмстанцыя, дзіцячая кансультацыя, яслі, 2 ўрачэбных участкі. 8 сельскіх фельчарска – акушэрскіх пунктаў.

Культура: раённы Дом культуры, 3 сельскіх Дамы культуры, 38 чырвоных куткоў, раённая і дзіцячая бібліятэка, 5 сельскіх бібліятэк, 2 сельскіх клубы.

27.11.1952г. Кніжны фонд раённай бібліятэкі павялічыўся на 308 кніг навукова – папулярнай. Сельскагаспадарчай і мастацкай літаратуры.

1954 год

20.01.1954г. У раёне пачаўся месячнік кнігі. Запланавана за гэты час рэалізаваць мастацкай, палітычнай, сельскагаспадарчай літаратуры на 50000 тыс.руб.

01.04.1954г. У раёне працуюць раённы і 3 сельскіх дамы культуры, 3 сельскія і 3 калгасныя клубы, дзве раённыя бібліятэкі (для дарослых і дзіцячых чытачоў), дзве калгасныя бібліятэкі, 8 хатаў – чытальняў з агульным кніжным фондам 50 тысяч кніг (у 2004 годзе агульны кніжны фонд складаў 200000 кніг).
30.06.1954г. Адбылася 8 – ая сесія раённага Савета дэпутатаў працоўных. З дакладам “Аб бюджэце раёна на 1954 год і аб выкананні бюджэту раёна на 1953 год” выступіў загадчык раённага фінансавага аддзела дэпутат С. Быстрак. На культурна – асветніцкія мерапрыемствы па бюджэту прадугледжана расходаў 420 тыс. руб.

      У раёне працуе РДК, 3 СДК, 8 хатаў-чытальняў, 6 бібліятэк, 3 стацыянарныя кінаўстаноўкі і 5 кінаперасовак.

15.07.1954г. У Вялікабераставіцкай бібліятэцы, М.Бераставіцкім, Эйсмантаўскім СДК, калгасных хатах-чытальнях і бібліятэках аформлены фотамантажы, кніжныя выставы, прасвечаныя 50-годдзю з дня смерці А.П.Чэхава.

1955 год

01.01.1955г. У Навагоднюю ноч у раённым Доме культуры праходзіў баль-маскарад, а на плошчы доўга працягвалася святочнае гулянне жыхароў і гасцей пасёлка. Святочныя гулянні прайшлі паўсюдна: у школах, калгасах, дамах культуры, клубах, хатах-чытальнях.

09.03.1955г. У памяшканні РДК адбыўся вечар сустрэчы працоўных райцэнтра з паэтамі і пісьменнікамі Гродзеншчыны. З дакладам “Аб выніках дэкады беларускай літаратуры і мастацтва ў Маскве” выступіў паэт Міхась Васілк. Ён і Аляксандр Шмічэльскі з празаікам Аляксем Карпюком выступілі перад прысутнымі з чытаннем сваіх твораў. Такія вечары – сустрэчы адбыліся таксама ў раённай бібліятэцы, у Вялікабераставіцкай сярэдняй школе і Малабераставіцкім сельскім Доме культуры.

30.03.1955г. Бібліятэкай Бераставіцкай СШ сумесна з раённай дзіцячай бібліятэкай праведзена чытацкая канферэнцыя па кнізе А.Гайдара “Школа”.

23.05.1955г. З кожным годам расце кніжны фонд раённай бібліятэкі. У гэтым годзе бібліятэка атрымала ўжо 558 кніг рознай тэматыкі. Цяпер агульны фонд бібліятэкі складае 8855 тамоў.

22.08.1955г. Калектыў мастацкай самадзейнасці Бераставічанскай сельскай бібліятэкі даў канцэрт для працаўнікоў калгаса “Перамога”  цэнтр – в. Стары Дворац) і  “Чырвоны Кастрычнік” (цэнтр-В.Бераставіца).

02.09.1955г. У раёне пачаўся месячнік кнігі. У кніжным магазіне райцэнтра ёсць вялікі выбар палітычнай, сельскагаспадарчай і мастацкай літаратуры. На сяле працуе 25 кніганош аддзела культуры. У іх ліку загадчыкі хатамі-чытальнямі, сельскімі бібліятэкамі, работнікі сельскіх Дамоў культуры.

15.10.1955г. У Алекшыцкай сельскай бібліятэцы налічваецца 3465 экзэмпляраў кніг, іх чытае 208 калгаснікаў і прадстаўнікоў сельскай інтэлігенцыі.

1956 год

01.06.1956г. У раёне пачаўся месячнік кнігі. У краму кнігагандлю завезена вялікая колькасць палітычнай, сельскагаспадарчай і мастацкай літаратуры.

12.12.1956г. У памяшканні РДК прайшла чытацкая канферэнцыя па аповесці Лідзіі Абухавай “Глыбінь – гарадок”, арганізаваная раённай бібліятэкай. Удзел у ёй пранялібольш за 50 чалавек.

1957 год

20.02.1957г. У чытальнай зале раённай бібліятэкі адкрылася кніжная выстава “Што чытаць аб выбарах у мясцовыя Саветы дэпутатаў К.А.Непомняшчым. А кандыдат у дэпутаты райсавета А.І. Талкачоў сустрэўся з выбаршчыкамі Вішнеўскай выбарчай акругі.

25.02.1957г. Больш за 9500 тамоў палітычнай, сельскагаспадарчай і мастацкай літаратуры налічвае фонд раённай біблятэкі. Гэтымі кнігамі карыстаюцца каля 1000 чытачоў. У гэтым годзе плануецца набыць літаратуры на 10000 рублёў.

05.03.1957г. Адчыніўся новы калгасны клуб на 100 месцаў у калгасе “Бальшавік” (цэнтр – в.Карпаўцы). У клубе ёсць бібліятэка з фондам 1000 кніг. На набыццё новай літаратуры адтушчана 2500 руб.

08-10.04.1957г. Адбыўся трохдзённы семінар работнікаў устаноў культуры раёна. Удзел прынялі загадчыкі СДК, сельскімі клубамі і бібліятэкамі. Для іх былі арганізаваны метадычныя заняткі па секцыях. Удзельнікі семінара абмеркавалі вынікі работы за 1-шы квартал 1957 года. абмяняліся вопытам работы, прынялі сацыялістычныя абязацельства на 1957 год.

22.05.1957г. У раённую біблітэку паступілі новыя кнігі. Фонд раённай бібліятэкі налічвае 9720 кніг.

09.06.1957г. У калгасе імя Жданава (цэнтр – в.Цецяроўка) прайшло калгаснае свята прысвечанае падвядзенню вынікаў веснавой сяўбы. Пераможцам у спаборніцтве была прызначаная першая паляводчая брыгада, якой і быў уручаны калгасны перахадны Чырвоны сцяг. Лепшыя працаўнікі калгаса атрымаліграшовыя прэміі. Пасля ўрачыстай часткі свята адбыўся канцэрт калектыву мастацкай самадзейнасці Цецяроўскай хаты – чытальні.

10.10.1957г. Падведзены вынікі агляду ўстаноў культуры, што праходзіў з 3 верасня па 28 верасня. Разглядзеўшы матэрыялы агляду, камісія прадставіла прысвоіць званне “Лепшы сельскі клуб раёна” Вайцехаўшчынскаму СК, “Лепшая хата – чытальня раёна” – Цецяроўскай хаце-чытальні, “Лепшая сельская бібліятэка раёна” – Астапкаўшчынскай сельскай бібліятэцы.

    Лепшымі культасветустановамі вобласці прызнаны раённая бібліятэка, дзіцячая бібліятэка, Малабераставіцкі СДК, Бераставічанскі сельскі клуб.

1958 год

01.02.1958г. У РДК адбыўся вечар моладзі гарпасёлка, на які прыйшлі і старэйшыя людзі. Перад прысутнымі выступіў урач райбальніцы т.Цыганкоў з дакладам “Медыцына ў барацьбе з рэлігійнымі забабонамі і прымхамі”. Затым калектыў Цецяроўскай хаты-чытальні выступіў з невялікім, але цікавым канцэртам.

09.05.1958г. Працоўныя раёна ўрачыста адзначылі ўсенароднае свята Дзень Перамогі. У калгасах, школах, установах культуры праводзіліся гутаркі, прысвечаныя гэтай знаменальнай даце. У бібліятэках і хатах-чытальнях былі арганізаваны кніжныя і фотавыставы аб вялікай Перамозе. У райцэнтры прайшло ўрачыстае ўскладанне вянкоў на брацкую магілу воінаў і партызан, загінуўшых у барацьбе супраць нямецка-фашысцкіх захопнікаў.

30.06.1958г. З чытачамі райцэнтра сустрэліся беларускія пісьменнікі Аляксандр Лазнявы і Мікола Хведаровіч, якія расказалі аб сваёй творчасці і планах на будучыню. Яны наведалі раённу бібліятэку.

18.07.1958г. Да 1939 г. на тэрыторыі цяперашняга раёна было каля дзесятка школаў. Цяпер іх 44, з якіх 4 сярэдніх і 16 сямігадовых. Амаль у кожнай вёсцы ёсць пачатковая школа, а ў сельскім Савеце – сямігодка або дзесяцігодка. Культустановы: працуе РДК, тры СДК, 10 сельскіх клубаў. 8 калгасных і 3 ведамасных, раённая бібліятэка, дзіцячая бібліятэка, 9 сельскіх бібліятэк, 5 хатаў-чытальняў і 3 калгасных бібліятэкі.

1959 год

25.01.1959г. Работнікі культасветустаноў раёна ў 1958 годзе ўзялі абавязацельствы ў гонар 490-годдзя Беларускай ССР абслужыць бібліятэчнай кнігай кожны калгасны двор і дабіцца не меньш 12-15 кнігавыдач на аднаго чытача. Быў зацведжаны адзіны план бібліятэчнага абслугоўвання ўсіх насёлённых пунктаў і прынята рашэнне адкрыць бібліятэкі-перадзвіжкі.

У 1956 годзе ў раёне дзейнічала 58 перадзвіжак, якія абслугоўвалі 2391 чытача і зрабілі 5691 кнігавыдачу. Лепшых паказчыкаў у рабоце па абслугоўванню чытачоў дабілася Мацеевіцкая сельская бібліятэка.

14.02.1959г. У раённай бібліятэцы абсталявана кніжная выстава, прысвечаная выбарам у Вярхоўны Савет БССР і мясцовыя Саветы.

23-26.12.1959г. Адбыўся раённы семінар работнікаў культасветустаноў раёна,у якім прынялі ўдзел дырэктары і загадчыкі сельскіх дамоў культуры. Клубаў і бібліятэк. Абмеракаваны пытанні аб выніках сацыялістычнага спаборніцтва ўстаноў культуры за 1959 год. Па выніках спаборніцтва пераможцамі вызначаны Малабераставіцкі сельскі Дом культуры, Макараўскі сельскі клуб і Кудрыцкая сельская бібліятэка. Перадавым установам культуры прысуджаны пераходныя чырвоныя вымпелы, лепшыя працаўнікі занесены на раённую Дошку гонару.

1960 год

23.10.1960г. У раённым Доме культуры адбылася нарада культасветработнікаў раёна. Абмеркаваны пытанні аб рабоце дамоў культуры, клубаў. Бібліятэк у сувязі з пераходам на сямігадзінны працоўны дзень і падрыхтоўкай да агляду бібліятэк і драматычных калектываў.

1961 год

06.01.1961г. Аддзел культуры райвыканкама падвёў вынікі работы культпрасветустаноў ў 1960 годзе. У раёне  здаецца ў эксплуатацыю  5 сельскіх клубаў. У бібліятэках раёна – 17 987 чытачоў, што на 2400 больш чым у 1959 годзе, колькасць чытачоў-калгаснікаў узрасла на 1 400 чалавек. 8 бібліятэк перайшлі працаваць на адкрыты доступ да кніжнага фонду. Кніжны фонд у бібліятэцы павялічыўся на 18141 экзэмпляраў і складае больш за 129 тыс. кніг па розных галінах ведаў. Прысуджаны пераходныя вымпелы: “лепшаму сельскаму  Дому культуры” – Алекшыцкаму сельскаму Дому Культуры, “Лепшай сельскай бібліятэцы” – Данілкаўская сельская бібліятэка, “Лепшы сельскі клуб” – Шаляпкоўскаму сельскаму клубу.

Ганаровымі граматамі за добрасумленную працу ўзнагароджаны:

Белабокая І. – бібліятэкар Алекшыцкага сельскага Дома культуры;
Яцэвіч Л. – загадчык Дзіневіцкай сельскай бібліятэкі;
Ільючак Клаўдзія Іванаўна – загадчыца Жукевіцкай сельскай бібліятэкі;
Гулінская І.Н. – бібліятэкар Эйсмантаўскай сельскага дома культуры;
Шымавалос Р.М. – загадчыца Данілкаўскай сельскай бібліятэкі;
Аб’яўлена падзяка бібліятэкару Макараўскага сельскага клуба –Паплаўскай Марыі Францаўне.

21.01.1961г. Раіса Шымавалос, загадчык Данілкаўскай бібліятэкі, мае адказнае даручэнне – яна агітатар на Данілкаўскай малочна-таварнай ферме. Раз у тыдзень яна абавязкова бывае тут, знаёміць работнікаў фермы з палітычнымі навінамі ў нашай краіне і за мяжой. (Ёсць здымак, дзе Шымавалос Р. знаёміць даярак фермы Данілкі з прамовай Першага Сакратара ЦК КПСС, Старшыні Савета Міністраў СССР М.С.Хрушчова на Студзенскім Пленуме ЦК КПСС

17.03.1961г. Ад абавязкаў бібліятэкара Каласоўскага сельскага клуба вызвалена Кунцэль Ірына Мікалаеўна. Бібліятэкарам назначана Дудэнка Ніна Георгіеўна.

24.03.1961г. Падведзены вынікі абласнога грамадскага агляду бібліятэк. Які праходзіў у другой палове 1960 года. Па яго выніках званне “Лепшая дзіцячая бібліятэка вобласці” прысвоена Бераставіцкай раённай дзіцячай бібліятэцы. Бібліятэцы будзе ўручаны дыплом. Загадчык бібліятэкі Ю.І.Корсун узнагароджаны Граматай абласнога ўпраўлення культуры і абкома прафсаюза работнікаў культуры і каштоўным падарункам.

    Званне “Лепшай сельскай бібліятэцы вобласці” прысвоена Данілкаўскай сельскай бібліятэцы (загадчык Р.Шымавалос). Акрамя гэтага Данілкаўская сельская бібліятэка ўдастоена ганаровага звання “Бібліятэка выдатнай работы”.

    Званне “Лепшая прыклубная бібліятэка вобласці” прысвоена бібліятэкарам Алекшыцкага сельскага Дома культуры (загадчык М.Белабокая) і Эйсмантаўскага сельскага Дома культуры (загадчык І.Гулінская).

    Бібліятэка Вялікабераставіцкай Сярэдняй школы (загадчык Л.С.Жукоўская) удастоена ганаровага звання “Лепшая школьная бібліятэка вобласці”.

    Усім бібліятэкам, якія атрымалі ганаровыя званні, будуць уручаны адпаведныя дыпломы, а іх загадчыкі ўзнагароджаны Ганаровымі Граматамі абласнога ўпраўлення культуры і  абкома прафсаюза работнікаў культуры, каштоўнымі падарункамі.

07.04.1961г. Бібліятэкар Карпаўскай сельскай бібліятэкі Лагада К.В. пераведзена бібліятэкарам саўгаса “Бераставіцкі”.

    Бібліятэкарам Карпаўскага сельскай бібліятэкі назначана Гулінская М.А.

11.04.1961г. Ад абавязкаў бібліятэкара раённай бібліятэкі вызвалена Падрубная Вольга Міхайлаўна.

20.04.1961г. Ад абавязкаў загадчыцы Эймінаўскай прыклубнай бібліятэкі вызвалена Хілюта Н.І. Назначана Мелянец Вольга Барысаўна.

26.04.61г. Заключныя заняткі прайшлі ў гуртку “Асновы атэізму”, які працаваў пры партыйнай арганізацыі калгаса “Зара” (цэнтр в.Пачобуты). Заняткі вёў дырэктар Макараўскай васьмігодкі   У.І.Трафіменкоў. Праходзілі яны ў Макараўскім сельскім клубе. У гуртку займаліся загадчык бібліятэкі Марыя Паплаўская, работнікі сельсавета Аляксандр Цітко і Антон Макар, брыгадзір калгаса МіхаілГорлаў, калгаснік Франц Паплаўскі, Надзежда Санько, Алена Мушынская і іншыя. Слухачы гуртка актыўна выкарыстоўвалі набытыя веды пры правядзенні гутарак і лекцый на антырэлігійныя тэмы. Актыўна выступалі перад мясцовымі жыхарамі настаўнік М.Андросаў, урач Раўлюкевіч, брыгадзір М.Горлаў, бібліятэкар Марыя Паплаўская.

30.04.1961г. Аддзел культуры прыняў рашэнне хадайнічаць перад райкомам партыі і выканкамам райсавета аб занясенні на раённую Дошку Гонару дырэктара Алекшыцкага сельскага Дома культуры Мяшкевіч А.Е. і загадчыцу Данілкаўскай сельскай бібліятэкі Шымавалос Р.М.

09.06.1961г. Ад абавязкаў бібліятэкара Паплаўскага сельскага клуба вызвалена Канецкая Вера. Бібліятэкарам назначана Лішнёва Раіса Васільеўна.

12.07.1961г. Ад абавязкаў загадчыцы Гольнеўскай хата-чытальні вызвалена Марцуль Галіна. Загадчыцай назначана Маркевіч Галіна Уладзіміраўна.

27.07.1861г. Загадчыцай Паплаўскай сельскай бібліятэка назначана Богуш Надзежда Мікалаеўна.

11.08.1961г. Ад абавязкаў загадчыцы Цецяроўскай хаты-чытальні вызвалена Шыплюк Раіса Васільеўна. На яе месца назначана Данільчык Ала Аляксандраўна.

14.08.1961г. Бібліятэкарам прыклубнай бібліятэкі саўгаса “Бераставіцкі” у Масалянах назначана Барысік Марыя Іванаўна.

17.08.1961г. Ад абавязкаў бібліятэкара Эйсмантаўскага сельскага Дома культуры вызвалена Гулінская Ірына Мікалаеўна. Бібліятэкарам Эйсмантаўскага сельскага Дома культуры назначана Сарока Марына.

31.08.1961г. Для аказання эфектыўнай дапамогі работнікам сельскіх бібліятэк і хатаў-чытальняў па давядзенні кнігі да кожнай сельскай сям’і “…у гонар ХХ11 з’езда КППС…” загадам па аддзелу культуры за кожным сельсаветам замацаваны работнікі аддзела культуры і раённай бібліятэкі.

14.09.1961г. Ад абавязкаў загадчыцы раённай дзіцячай бібліятэкі вызвалена Корсун Юлія Іванаўна. Назначана Петрашэвіч Яўгенія Іосіфаўна, якая да гэтага працавала загадчыцай перадзвіжным фондам раённай бібліятэкі.

20.09.1961г. Бібліятэкарам Алекшыцкага сельскага Дома культуры назначана Баліцкая Валянціна Максімаўна.

05.10.1961г. У Вайцехаўшчынскай калгаснай бібліятэцы зарэгістраваны юбілейны чытач – іх сёння ўжо стала 200. У бібліятэку калгас сёння перадаў 40 новых кніг. Усяго ў бібліятэцы 2340 кніг. Актыўнымі чытачамі з’яўляюцца даярка М.В.Прымачок, хлебаробы І.І.Нерад, В.І.Чарнамаз, стораж І.А.Шавель.

31.10.1961г. Ад абавязкаў загадчыка раённага аддзела культуры вызвалены  Патычук – у сувязі з пераходам на іншую работу. На яго месца назначаны Шурба Сямён Іванавіч (01.11.61).

11.12.1961г. Загадчыцай Пачобуцкай сельскай бібліятэкі назначана Пракапчук Яўгенія Іванаўна.

29.12.1961г. Ад абавязкаў бібліятэкара Малабераставіцкага сельскага Дома культуры вызвалена Скрагена Ганна Іванаўна. Назначана Дудко Надзежда Іванаўна.

1962 год

22.01.1962. Ад абавязкаў бібліятэкара Канюхоўскага сельскага Дома культуры вызвалена Анішчык Т.І. Назначана Рудая Сіма Іванаўна.

20.02.1962г. Выканкамам раённага Савета дэпутатаў вырашыў перавесці Жукевіцкі сельскі клуб у будынак Мацеевіцкага сельскага клуба і ў далейшым іменаваць яго Мацеевіцкім сельскім клубам.

    Кніжны фонд Жукевіцкай прыклубнай бібліятэкі аставіць у в. Жукевічы у будынку былога сельскага клуба. Надаць ёй статус сельскай і ў далейшым назывыць яе Жукевіцкай сельскай бібліятэкай.

    Бібліятэкарам Жукевіцкай сельскай бібліятэкі назначаны Лазарчык Леанід Міхайлавіч.

21.03.1962г. Ад абавязкаў загадчыцы Грыцавіцкай прыклубнай бібліятэкі вызвалена Янушкевіч Г.І.

12.04.1962г. У райком партыі паступіла пісьмо ад загадчыцы Кудрыцкай бібліятэкі Пермяковай Тамары Мікалаеўны. Яна піша: “Прошу райком партии оказать помощь и содействие в завершении строительства клуба в д. Кудричи. В деревне начали его строительство в прошлом году. Возведены стены, но нет потолка и криши. А наша библиотека размещается в комноте размером 12 м. частного дома. А в библиотеке более 5 тысяч книг и разместить их негде…».

24.04.1962г. Ад абавязкаў загадчыцы Дзіневіцкай сельскай бібліятэкі вызвалена Яцэвіч. Назначаны Красоўскі Вадзім.

08.05.1962г. Бібліятэкарам прыклубнай бібліятэкі Грыцавіцкага сельскага клуба назначана Далінская Галіна Антонаўна, якая працавала да гэтага загадчыцай гэтага клуба.

22.05.1962г. Ад абавязкаў бібліятэкара прыклубнай бібліятэкі Мацеевіцкага сельскага клуба вызвалена Іядкоўская Вікторыя Раманаўна.  Назначана Хомбак Вера Іосіфаўна.

25.95.1862г. Ад абавязкаў бібліятэкара Данілкаўскай сельскай бібліятэкі вызвалена Шымавалос Раіса Георгіеўна. Назначана Малафей Валянціна Міхайлаўна.

12.06.1962г. Загадчыцай Цецяроўскага сельскага клуба назначана Богуш Надзежда Іванаўна (цяпер Усціновіч), якая працавала да гэтага бібліятэкарам прыклубнай бібліятэкі Паўлюшкага сельскага клуба.

Загадчыца Паўлюшкага сельскага клуба Дудзінская Тамара Міхайлаўна назначана бібліятэкарам прыклубнай бібліятэкі Паўлюшкага сельскага клуба.

04.07.1962г. Загадчыца Плюскалаўскай сельскай бібліятэкі Баркоўская Яўгенія Пятроўна назначана загадчыцай Шаляпкоўскага сельскага клуба замест звольненана з гэтай пасады Якубчыка Івана Іванавіча.

07.07.1962г. У газеце «Запаветы Ільіча» надрукаваны верш свіслацкага паэта Г. Ждановіча, прысвечанага В. Бераставіцы.

10.08.1962. У Эймінаўскай клубнай бібліятэцы прайшоў раённы семінар бібліятэчных работнікаў. Паслугамі гэтай бібліятэкі карыстаецца 505 чытачоў. З пачатку года чытачам выдадзена 4512 кніг. Бібліятэкар Вольга Мелянец правяла 6 бібліяграфічных аглядаў. А цяпер рыхтуе агляд літаратуры на тэму «Нам не патрэбна вайна».

20.08.1962г. Ад абавязкаў загадчыцы Валотынскай сельскай бібліятэкі вызвалена Жалезная Вера. Назначана Некала Ніна Якаўлеўна. Ад абавязкаў бібліятэкара Эйсмантаўскага сельскага Дома культуры вызвалена Сарока Марына. Назначана Смалей Вера Уладзіміраўна.

25.08.1962г. Ад абавязкаў бібліятэкара Алекшыцкага сельскага Дома культуры вызвалена Баліцкая Валянціна Максімаўна. Назначана Белабокая Ірына.

12.09.1962г. Ад абавязкаў загадчыцы Пачобутскай сельскай бібліятэкі вызвалена Пракапчук Яўгенія Іванаўна. Назначана Бароўская Ніна Грыгор’еўна. Ад абавязкаў бібліятэкара Канюхоўскага сельскага Дома культуры вызвалена Рудая. Назначана Захарчук Алена Раманаўна.

01.10.1962г. Ад абавязкаў загадчыцы Малабераставіцкай сельскай бібліятэкі вызвалена Дудко Надзежда Іванаўна. Назначана Янюк Ніна.

09.10.1962г. У Пачобутах закончылася праца па ўзвядзенню будынка клуба. Цяпер поўным ходам ідуць аддзелачныя работы Плануецца адкрыць клуб, а разам з ім і бібліятэку да свята Кастрычніцкай рэвалюцыі.

04.11.1962г. Аддзел культуры выканкама райсавета дэпутатаў за добрасумленную працу і ў сувязі з 45-ай гадавінай Вялікага Кастрычніка ўзнагародзіў Ганаровай граматай:
Белабокую Ірыну Аляксандраўну – бібліятэкара Алекшыцкага сельскага Дома культуры.
Мелянец Вольгу Барысаўну – бібліятэкара Эймінаўскага сельскага клуба.
Ільючак Клаўдзію Іванаўну – загадчыцу Жукевічскай сельскай бібліятэкі.

27.12.1962г. Загадчык Трацякоўскага сельскага клуба Пілецкі І.І. пераведзены на пасаду бібліятэкара Эйсмантаўскага сельскага Дома культуры. Загадчыца Кудрыцкай сельскай бібліятэкі Пермякова Тамара Міхайлаўна пераведзена на пасаду загадчыцы Макараўскай сельскай бібліятэкі. Загадчыца Астапкаўшчынскай сельскай бібліятэкі Карпук Р.В. пераведзена на пасаду загадчыцы Кудрыцкага сельскага клуба. Бібліятэкар Алекшыцкага сельскага Дома культуры Белабокая І.А. пераведзена на пасаду загадчыцы Алекшыцкай сельскай бібліятэкі. Бібліятэкар Масалянскага сельскага клуба Барысік М.І. пераведзена на пасаду загадчыцы Масалянскага сельскага клуба. Загадчыца Пачобуцкай сельскай бібліятэкі Бароўская Н.Г. пераведзена на пасаду загадчыцы Глебавічскай сельскай бібліятэкі. Загадчыца Плябанаўскай сельскай бібліятэкі Кажанеўская В.Ф. пераведзена на пасаду загадчыцы Плябанаўскага сельскага клуба. Загадчык Дзіневіцкай сельскай бібліятэкі Красоўская В.В. пераведзена на пасаду Вайцехаўскага сельскага клуба. Загадчыцай Вайцехаўскай сельскай бібліятэкі назначана Белабокая Лідзія Арадзьеўна. Бібліятэкар Бераставічанскага сельскага клуба Мешчаня Л.П. пераведзена на пасаду загадчыцы Бераставічанскага сельскага клуба. Загадчыца Жукевічскай сельскай бібліятэкі Данілкаўскага сельсавета Ільючак К.і. пераведзена на пасаду загадчыцы Пархімаўскай сельскай бібліятэкі. Бібліятэкар Паплаўскага сельскага клуба Лішнёва Раіса Васільеўна пераведзена на пасаду загадчыцы Паплаўскай сельскай бібліятэкі. Загадчыца Цецяроўскага сельскага клуба Богуш Н.І. пераведзена на пасаду загадчыцы Цецяроўскай сельскай бібліятэкі. Бібліятэкар Кватарскага сельскага клуба Бутрыла А.Н. пераведзена на пасаду загадчыцы Паўлюшскага сельскай бібліятэкі.

1963 год

20.07.1963.  На Савеце аддзела культуры падведзены вынікі работы Бераставіцкай бібліятэкі за 1-е паўгоддзе. Азначана, што бібліятэка мае 22 тысячы кніг. Работнікі бібліятэкі арганізавалі 15 перасоўных пунктаў выдачы кніг у вёсках раёна. За паўгоддзе ў гэтых пунктах зроблена чатыры з паловай тысячы кнігавыдач і наведвае іх 600 пастаянных чытачоў.

11.11.1963г. У чацвёртым вытворчым участку ў Гольнях калгаса імя Леніна (цэнтр в.Алекшыцы) здадзены ў карыстанне новы клуб на 100 месц з бібліятэкай і стацыянарнай кінаўстаноўкай.

1968 год

01.10.1968. Для калгаснікаў у залах Вялікаэйсмантаўскай бібліятэкі маляўніча аформлены плакат «Ленін з намі», кніжная выстава «Жыццёвы шлях Ільіча», зроблены каталог ленінскіх кніг. Бібліятэкар Ніна Лазарчык рэгулярна праводзіць у голас чыткі твораў савецкіх пісьменнікаў аб правадыру. У апошні час былі прачытаны «Расказы аб Леніне», праведзена гутарка на тэму: «Наш Ільіч». Кожны тыдзен па творах Леніна праводзяцца тэматычныя агляды. Часта перад дэманстацыяй кінафілімаў кангаснікаў чытаюцца лекцыі.

24.09.1968. «Святло новага жыцця» — так называўся вусны часопіс праведзены недаўна ў Макараўскай сельскай бібліятэцы. Адкрыла яго былая ўдзельніца мастацкай самадзейнасці, цяпер студэнтка культпрасветвучылішча Алена Курстак. Яна рассказала калгаснікаў аб росквіце Беларусі. Выступалі настаўніца мясцовай школы А.С.Трафіменкава і сакратар пратарганізацыі калгаса Л.А.Жвалеўскі.

17.09.1968. На семінары школьных бібліятэкараў па пытанняў «Планаванне школьных бібліятэк» выступала загадчыца раённай дзіцячай бібліятэкі Т.І.Сцепавая. Пазнаёміла ўдзельнікаў семінару з методыкай правядзення тэматычных вечароў. Загадчыца чытальнай залы дзіцячай бібліятэкі Варвара Гаўрыленка прысвяціла сваё выступлення стандартам па бібліятэчнай працы. Надзея Рамушэвіч, бібліятэкар дзіцячай бібліятэкі пазнаёміла ўдзельнікаў семінару з методыкай і формамі работы бібліятэк у гонар 50-годдзя БССР і кампартыі Беларусі.

15.08.1968. Адбыўся рэйд – праверка работы клубаў і бібліятэк кульасветработнікамі Гродзенскага раёна. Добрую адзнаку далі Макараўскай (загадчыца Т.М.Пермякова) за прапаганду кнігі. Працуюць кніганошы з ліку мясцовай васьмігодкі, шмат тэматычных паліц і кніжных выстаў. Добра выкарыстоўваецца культфонд. Бібліятэка размешчана ў будынку мясцовага клуба. Дзіневіцкая сельская бібліятэка спадабалася за  добра пастаўленную работу, чысціню, утульнасць памяшкання. Ва ўзорным парадку кніжны фонд, картатэкі. Шмат чытачоў у бібліятэцы.

02.07.1968. Прайшоў семінар культпрасветработнікаў. На ім ішла гутарка аб задачах рабонікаў культуры, адзначаліся поспяхі, ускрываліся небахопы ўрабоце.  Пайшоў вусны часопіс у Макараўскай сельскай бібліятэцы пад назвай «Заўжды на пасту». Перад калгаснікамі з успамінамі выступіў удзельнік партызанскай барацьбы на Бераставіццыне М.Шышкін. Артыку напісаў у газеты дырэктар Бераставіцкага РДК В.Губіч.
18.04.1968.  У Паплаўскай сельскай бібліятэцы працуе загадчыцай Аляксандра Дмітрыеўна Сяргеява. Аляксандра Дмітрыеўна былая настаўніца, але бібліятэчную справу ведае на выдатна. Пры бібліятэцы працуюць васьмікласнікі –кніганошы, загадчыкі бібліятэк – перасовак. Бібліятэкар прапаноўвала сваім чытачам кнігі Флабера, Мележа, Карпава. Найбольш людна ў Паплаўскай бібліятэцы вечарам. Чытачам раскажуць пра новые кнігі, празнаёмяць са зместам цэнтральных  і раённых газет. З удзячнасцю жыхары калгаса адзываюцца пра мясцовага бібліятэкара.

04.04.1968. Пачаўся Тыдзянь кнігі ў час вясновых канікул. Загадчыца дзіцячай бібліятэкі Т.Сцепавая і супрацоўнікі правялі конкурс для лепшага чытальніка. Пераможцам конкурсу стаў вучань 5 класа Саша Жукоўскі. У час вясновых канікул супрацоўнікі бібліятэкі прапануюць чытаць школьнікам кнігі: А.Барто, А.Гайдара, К.Чукоўскага, С.Маршака, Я.Маўра, Э.Агняцвет і творы іншых знакамітых пісьменнікаў.

21.04.1968. Паплаўская сельская бібліятэка (загадчыца А.Д.Сяргеева) працуе ў цесным кантакце з партыйнай і камсамольскай арганізацыямі калгаса. Уносіць пасільны ўклад у камуністычнае выхаванне моладзі. Кнігі ў бібліятэцы стаяць па раздзелах. Асобна выдзелена дзіцячая літаратура. Арганізаваны куток школьніка, доступ да кніжных паліц свабодны. Дзеці могуць выбраць любы твор. Літаратура для школьнікаў выдзелена па ўзрасных групах, растаўлена па тэмах: аб Леніну і яго саратніках, аб піянерах, казкі, навукова-пазнавальная літаратура, навукова-фантастычная. Вывешаны рэкамендацыйны спіс літаратуры па класах. Работа па прапагандзе кнігі разлічана на масавы ўдзел чытачоў у дзейнасці бібліятэкі. Шмат праводзіцца гутарак з чытачамі, наладжана чытанне ў голас і абмеркаванне мастацкіх твораў, вядуцца гутаркі аб прачытаных кнігах.  Вучні прыходзяць у бібліятэку на экскурсію, каб пазнаёміцца больш грунтоўна з бібліятэчнай работай, з новымі часопісамы, творамі мастацкай літаратуры. Пачата работа з алфавітным каталогам, зроблена картатэка для трэціх і чацвёртых класаў «Ведай і любі край свой родны».  У кожнай вёсцы, што ўваходзяць у склад калгаса, працуюць бібліятэчкі-перасоўкі. Рыхтуецца чытацкая канференцыя па кнізе П.Праскурына «Горкія травы».

20.02.1968. Загадчыца дзіцячай бібліятэкі паведаміла, што выйшаў дзіцячы альманах «Хачу ўсё ведаць», які авдала выдавецтва «Дзіцячая літаратура» у 1966 годзе. Альманах карыстаецца вялікім попытам сярод дзіцячага чытача. З вялікім задавальненнем чытаюць вучні кнігі энцыклапедычнага зместу  «Хто, калі, чаму?», «100 тысяч чаму», «Планета цудаў, альбо незвычайныя прыгоды падарожніка Парамона», «Глобус».