15.04.2025г. Экалагічны калейдаскоп “Вандроўка па экалагічнай сцежцы”

   15 красавіка ў філіяле “Малабераставіцкая інтэграваная сельская бібліятэка” прайшло чарговае пасяджэнне аматарскага аб’яднання “ЗНАЙКА”. Экалагічны калейдаскоп “Вандроўка па экалагічнай сцежцы”, да Дня экалагічных ведаў, сабраў яго ўдзельнікаў, каб даведацца шмат цікавага пра экалогію. Вучні з захапленнем удзельнічалі ў віктарыне, адгадвалі экалагічныя загадкі, дзяліліся сваімі думкамі і цікавымі гісторыямі з жыцця… А напрыканцы бібліятэкар прапанавала праспяваць перакладзеную песенку пра прыроду на знаёмую ўсім мелодыю “Няхай заўжды будзе сонца”. Атрымалася весела і прыгожа!