17.04.2025г. Гадзіна памяці “Помнім подзвіг народны”

   Для навучэнцаў чацвёртага класа Вялікабераставіцкай сярэдняй школы імя С.В.Прытыцкага бібліятэкар раённай бібліятэкі правяла гадзіну памяці “Помнім подзвіг народны”. Мерапрыемства прысвячалася 80-годдзю Перамогі савецкага народа ў Вялікай Айчыннай вайне. Гутарка бібліятэкара з удзельнікамі суправаджалася паказам прэзентацыі, якая адлюстроўвала ход страшных чатырох гадоў вайны і шлях да перамогі. Хлопчыкі і дзяўчынкі актыўна падтрымлівалі гутарку, ахвотна дзяліліся сваімі ведамі. З задавальненнем састаўлялі са слоў прыказкі, разгадвалі красворд. Падчас мерапрыемства бібліятэкар прэзентавала цікавую навукова-пазнавальную і мастацкую літаратуру аб вайне. Не аставілі раўнадушнымі юных чытачоў і гучныя чытанні апавяданняў і вершаў аб трагічных старонках вайны і даўгачаканай перамозе савецкага народа ў Вялікай Айчыннай вайне з кніг, прадстаўленых на кніжнай выставе.