02.05.2025 г. Выстава “Мужны абаронца нашай Радзімы. Геронцій Цітаішвілі”

   У Бераставіцкім раённым цэнтры культуры і народнай творчасці была адкрыта кніжна-ілюстрацыйная выстава “Мужны абаронца нашай Радзімы. Геронцій Цітаішвілі”. Выстава прайшла сумесна з Музеем Вавёркі ў рамках урачыстага мерапрыемства “Памятаем іх імёны”, прысвечанага 80-годдзю Перамогі і памяці загінуўшага камандзіра 250-й мотастралковай дывізіі палкоўніка Г.Н. Цітаішвілі (1908 – 1944). На выставе былі прадстаўлены кнігі, брашуры, карціны і фатаграфіі з памятнымі месцамі, звязанымі з Г.Н. Цітаішвілі на Бераставіччыне. Выставу наведала грузінская дэлегацыя на чале з вядомым дзяржаўным і палітычным дзеячам Тэнгізам Думбадзэ.