11.06.2025г. Тэматычная гадзіна “Сям’я без гвалту”

  11 чэрвеня для наведвальнікаў школьнага летняга лагера “Мрыя” прайшла тэматычная гадзіна “Сям’я без гвалту”. Бібліятэкар філіяла “Пагранічная сельская бібліятэка” закранула некалькі тэм для размовы: пытанне аб выхаванні ў сям’і любові да сваёй сям’і і сваіх сваякоў, павага да іх, выхаванне самастойнасці і асцярожнасці. Бо менавіта сям’я фарміруе ў дзяцей першыя ўяўленні пра дабро і зло, пра простае і складанае, пра сумленнае і ганебнае. Каб дапамагчы сфарміраваць правільнае стаўленне да сям’і, яе членаў, іх узаемаадносін былі праведзены: тэматычная віктарына “Дзень сям’і”, гульня “Пакажы эмоцыю”, конкурсы “Збяры прыказку”, “Кошык сямейных каштоўнасцяў”, “Мы малюем”. Мерапрыемства наведала памочнік пракурора Бераставіцкага раёна Бірук Ганна Аляксандраўна, якая правяла з дзецьмі гутарку аб адносінах у сям’і і звернула ўвагу на недапушчальнасць гвалту і пакарання за невыкананне закону.