14.08.2025г. Конкурсная праграма ”Мой любімы казачны герой”

Казка – гэта дзіўная чароўная краіна, у якой адбываюцца самыя незвычайныя цуды і ператварэнні. Мы ўсе з дзяцінства любім казкі. Казкі вучаць нас жыццю, распавядаюць пра дабро і зло, дапамагаюць спазнаць свет. 14 жніўня ў раённай бібліятэцы імя В.М. Кавалеўскага для дзяцей прайшла конкурсная праграма «Мой любімы казачны герой».  Удзельнікам трэба было прайсці па казачных старонках з казачнымі заданнямі. На кожнай старонцы ўдзельнікаў чакала займальнае, а часам і складанае заданне. Дзеці прадэманстравалі эрудыцыю і прынялі ўдзел у конкурсах: «Пазнай прадмет», «Каму належаць гэтыя выказванні», «З якой гэта казкі», «Намалюй любімага героя». У заключэнне дзеці распавялі пра свае любімыя казкі і казачных
героях. Сустрэча атрымалася цікавай, вясёлай і пазнавальнай.