23.10.2025г. Экамарафон “Фарбы восені”

   Супрацоўнік Бераставіцкай раённай бібліятэкі імя В.М. Кавалеўскага для ўдзельнікаў аматарскага аб’яднання “Экалагічны буквар” падрыхтавала экамарафон “Фарбы восені”, прысвечаны самай прыгожай пары года – восені. Восень – выдатная пара, якая дорыць нам рознакаляровыя фарбы, смачныя сюрпрызы, яркія моманты. Дзецям расказалі аб восеньскіх месяцах, аб характэрных прыметах восені, пазнаёмілі з прыказкамі і прымаўкамі, вершамі і загадкамі аб гэтай дзівоснай пары. Удзельнікі ўспомнілі, што восень бывае розная. Мерапрыемства было напоўнена пазнавальнымі конкурсамі і віктарынамі, падчас якіх дзеці адказвалі на пытанні.