18.12.2025г. Пазнавальная хвілінка “Навагодняя вандроўка”.

  Усё прапала! Таварышы, усё прапала! Катастрофа! Катастрофа! Снегу няма. Мароза няма! Дарагія дзеці, мабыць, Новы год давядзецца адкласці. Што будзем рабіць? Як вы думаеце? 18 снежня з такім пытаннем звярнулася бібліятэкар філіяла “Пагранічная сельская бібліятэка” да запрошаных выхаванцаў мясцовага дзіцячага садка падчас пазнавальнай хвілінкі “Навагодняя вандроўка”. Хлопчыкі і дзяўчынкі далі свае адказы: трэба ўпрыгожваць вокны, дом, ставіць ялінку, гатаваць падарункі і Новы год абавязкова прыйдзе, нягледзячы на надвор’е. З вялікай цікаўнасцю дзеці разглядалі каляровыя зімовыя карцінкі ў кнігах, адгадвалі тэматычныя загадкі, прымалі ўдзел у гульнёвых конкурсах і атрымалі за свае намаганні салодкі пачастунак, бо Новы год з’яўляецца галоўным і самым чаканым зімовым святам асабліва для дзяцей.