23.12.2025 г. Марафон добрых спраў «Ад сэрца да сэрца»

    23 снежня стартуе рэспубліканская навагодняя дабрачынная акцыя «Ад усёй душы». Акцыя «Ад усёй душы» — гэта своеасаблівы марафон добрых спраў, які дорыць людзям старэйшага пакалення хвіліны радасці  і адчуванне, што пра іх памятаюць і клапоцяцца. Людзям сталага ўзросту заўсёды патрэбныя ўвага і клопат, вядома ж, ім не хочацца адчуваць сябе адзінокімі ў святочныя дні. Супрацоўнікі Бераставіцкай раённай бібліятэкі імя В.М.Кавалеўскага далучыліся да акцыі і ў знак глыбокай павагі да людзей старэйшага пакалення арганізавалі марафон добрых спраў «Ад сэрца да сэрца». У рамках акцыі бібліятэкары наведалі на даму людзей пажылога ўзросту, якія з’яўляюцца чытачамі бібліёбуса. Яны павіншавалі іх з навагоднімі святамі, а таксама парадавалі салодкімі падарункамі, віншавальнымі паштоўкамі, календарамі, дапамаглі па гаспадарцы і ў навядзенні парадку на прыдамавой тэрыторыі .