22.01.2026г. Пазнавальнае падарожжа «Загадкі роднай зямлі».

    Супрацоўнік Бераставіцкай раённай бібліятэкі імя В.М.Кавалеўскага правяла занятак аматарскага аб’яднання «Экалагічны буквар» пад назвай «Загадкі роднай зямлі». У ходзе мерапрыемства дзеці здзейснілі займальнае падарожжа ў дзіўны свет прыроды роднага краю. Даведаліся, якую ролю адыгрывае чалавек у ахове прыроды. Яны актыўна гутарылі, адказвалі на пытанні, вызначылі сувязь чалавека з навакольным асяроддзем. З вялікай цікавасцю вучні ўключыліся ў гульню «Мастак», дружна і правільна адказвалі на пытанні віктарыны. Дзеці прынялі ўдзел у экалагічных гульнях, у якіх былі прадстаўлены разнастайныя заданні: «Прыкметы зімы», «Загадкі аб лясных жыхарах», «Даведайся жывёлу па апісанні» і іншыя. Таксама ўспаміналі казкі, дзе ў назве сустракаюцца звяры, распавядалі аб правілах паводзін у лесе. У ходзе гульні хлопчыкі і дзяўчынкі паказалі свае веды аб навакольным асяроддзі.