13.03.26 г. Пазнавальная гульня “Калейдаскоп бяспекі”

Бібліятэкар раённай бібліятэкі правяла для вучняў трэцяга класа пазнавальную гульню “Калейдаскоп бяспекі”. Напрыкладзе казак “Тры мядзведзі”, “Чырвоная Шапачка”, “Коцік, пеўнік і лісіца”, “Айбаліт”
абмеркавалі з вучнямі небяспечныя сітуацыі, у якія трапілі героі казак. Дзецям трэба было выканаць шэраг заданняў па правілах бяспекі на дарозе, пры пажары і ў побыце. Дзеці паказвалі свае веды па бяспечных паводзінах, гулялі ў розныя гульні, разбіралі праблемныя сітуацыі. У заключэнне
мерапрыемства вучні зрабілі выснову, што правілы бяспекі жыццядзейнасці трэба не толькі ведаць, але і выконваць, быць уважлівымі і асцярожнымі, каб пазбегнуць няшчасных выпадкаў.