29.04.2026 г. Пазнавальны ўрок «Любі ўсё жывое»

  Любы чалавек любіць прыроду, але ёсць такія людзі, якія надзелены асаблівым стаўленнем да ўсяго жывога. Прырода гэта адчувае і дзеліцца з імі самымі патаемнымі сакрэтамі. У раённай бібліятэцы імя В.М. Кавалеўскага  для наведвальнікаў аматарскага аб’яднання «Люстэрка» прайшоў пазнавальны ўрок «Любі ўсё жывое». Бібліятэкар пазнаёміла дзяцей з творчасцю М. Сладкова, І.Сакалова-Мікітава, В. Бялова і іншых. Затым усе разам адправіліся ў займальнае падарожжа па кнігах пісьменнікаў у дзіўную зялёную краіну. А называецца яна – навакольны свет. Дзеці адгадвалі загадкі, адказвалі на пытанні віктарын, складалі лясную азбуку паводзін. Пад час занятку наведвальнікі пазнаёміліся з прэзентацыяй «Лес – наша багацце». На кніжнай выставе былі прадстаўлены кнігі «Чароўны свет прыроды», «Лясныя  казкі», «Лясныя тайнічкі», «Апавяданні пра жывёл», «Чырвоная кніга» і
іншыя. Удзельнікі мерапрыемства актыўна працавалі, разважалі, абменьваліся думкамі і дапаўнялі адзін аднаго. Адчуваўся энтузіязм, жывая цікавасць да тэмы ўрока і, вядома, як заўсёды выдатная падрыхтоўка! У завяршэнне ўрока ўсе з задавальненнем дзяліліся сваімі думкамі пра тое,
чаму важна берагчы і любіць усё жывое.