15.07.2026 г. Патрыятычны круіз “Вялікае падарожжа па Беларусі”

  Супрацоўнікі Бераставіцкай раённай бібліятэкі імя В.М.Кавалеўскага для наведвальнікаў дзіцячага аздараўленчага лагера “Бераставіцкі” правялі мерапрыемства, прысвечанае гістарычнаму мінуламу і сучаснасці нашай любай Беларусі. Дзеці адправіліся ў завочнае падарожжа па краіне, даведаліся шмат новага і цікавага, дзяліліся сваімі ведамі. Адказвалі на пытанні віктарыны па традыцыях, святах і славутасцях краіны, успаміналі рэкі і азёры Беларусі, знаёміліся з біяграфіямі беларускіх знакамітых жанчын. Удзельнікі мерапрыемства, разгадваючы рэбусы, пазнаёміліся з абласцямі нашай краіны, іх галоўнымі гарадамі і сімваламі. Мерапрыемства дапоўніла кніжная выстава і фотазона “Я люблю Беларусь”.